پاپیتے کی طر ح اکثر افراد گریپ فروٹ کا نام سن کر منہ بنا لیتے ہیں ۔ ان کی نظرمیں ان دونو ں پھلو ں میں ذائقہ نہیں ہوتا، لیکن وہ یہ حقیقت بھول جاتے ہیں کہ اصل ذائقہ اچھی صحت کا ہوتا ہے اور اسے قائم و برقرار رکھنے کے لیے دونو ں کا استعمال ضروری ہوتا ہے ۔ پاپیتے کی کم مٹھا س اور گریپ فروٹ کی تلخی ترشی پر نہ جائیے۔ ان سے صحت کو پہنچنے والے فائدوں پر نظر رکھیے اور انھیںنوشِ جاںکر کے اپنی صحت بنائیے ۔ روزانہ گریپ فروٹ کھا نے والے بڑے فائدے میں رہتے ہیں ، کیو ں کہ قدرت کا تحفہ یہ پھل ، کولیسٹرول کم کرنے کی بڑی صلا حیت رکھتا ہے۔ ہر پھل میں حل ہونے والا ریشہ ، پیک ٹین ہوتا ہے ۔ اس ریشے میں کو لیسٹرول کو گھلانے اور خو ن سے سمیٹ کر اسے خارج کرنے کی بڑی صلاحیت ہو تی ہے۔ گریپ فروٹ میں چو ں کہ ریشہ بہت ہوتا ہے ، اس لیے اس میں یہ صلاحیت بھی زیادہ ہو تی ہے ۔ اسے مسلسل چا ر ماہ تک استعمال کرنے سے کو لیسٹرول کی سطح میں اوسطاً6-7 فی صد کمی ہوجاتی ہے ۔ گریپ فروٹ کے پیکٹ ٹین سے قلب و صحت کے لیے مضر اور خرا ب کو لیسٹرول ایل ڈی ایل کی سطح میں ۰۱ فی صد تک کمی ہو سکتی ہے ۔ گریپ فروٹ کا تعلق بھی لیمو ں کے خاندان سے ہے ، یعنی مسمی ، مالٹا، سنترہ ، کینو ، چکوترہ وغیرہ سب اسی کے بھائی بند ہیں ، لیکن خاص طور پر گریپ فروٹ میں دےگر ترش پھلوں کے مقابلے میں ” لیمو نین “ نامی ترش روغن زیادہ ہو تاہے ۔ اس کے تیل یا روغن میں لیبا رٹری کی چوہیو ں کی چھا تیو ں کی رسولیاں کم کرنے کی بڑی صلاحیت کا انکشا ف بھی ہوا ہے ۔
یہ بات آپ کے علم میں ہو گی کہ اس وقت دنیا کے مختلف ملکو ں میںسرطان پرمسلسل تحقیق ہو رہی ہے ۔ ان میں امریکا کا نیشنل کینسر انسٹی ٹیو ٹ سر فہرست ہے ۔ یہ ادارہ دےگر مانع سرطان اجزا کے علا وہ لیمو نین اور تر شادہ پھلو ں کی سرطان سے مقابلہ کرنے کی صلا حیت پر بھی کروڑوں ڈالر خرچ کررہا ہے ، کیوں کہ گریپ فروٹ اور ان پھلو ں میں سرطان روکنے کی بڑی صلا حیت پائی جاتی ہے۔ ترش پھلو ں میں دراصل فلیو نا ئڈز کے علاوہ فینو لکس ( کا ربولک ایسڈ) جیسے موثر مانع تعفن (اینٹی سیپٹک ) اجزا ہو تے ہیں ۔ سبز چائے میں پائے جانے والے فلیونائڈز کی طر ح گریپ فروٹ میں شامل مو جو د فلیونائڈزاور فینو لکس چو نکہ بڑے موثر مانع تکسید ( اینٹی اوگزیڈنٹ ) ہو تے ہیں ، یہ جسم میں ایسے اجزا تیار کرتے ہیں جو رسولیا ں بنانے والے اجزا کا خاتمہ کر دیتے ہیں ۔ تر شاوہ پھل ہونے کی وجہ سے گریپ فروٹ میں حیا تین ج ( وٹامن سی ) بھی خوب ہوتا ہے۔ ایک گریپ فروٹ میں 41 ملی گرام وٹامن سی ہو تا ہے ۔ یہ مقدار روزانہ درکا ر حیاتین ج کی دو تہائی مقدار کے برابر ہوتی ہے ۔ اس حیاتین کا جسم کی امراض سے لڑنے کی صلاحیت سے بڑا گہرا تعلق ہوتاہے ، یعنی اس سے جسم کی قوت مدافعت مستحکم رہتی ہے۔ پاکستان میں دو طر ح کے گریپ فروٹ عام ہیں ،ایک سفید اور دوسرا سرخ ۔ سرخ گریپ فروٹ ، ریڈبلڈ مالٹے کی طر ح زیادہ مفید ہوتا ہے ، کیو ں کہ اس میں لائکو پین نامی کیروٹین زیادہ ہوتا ہے ۔ کیروٹین بھی مانع سرطان جز ہے ۔یہ خاص طور پرز خم، رحم ، مثانے اور لبلبے کے سر طان سے محفوظ رکھتا ہے ۔ جیسا کہ بتایا جا چکا ہے، گریپ فروٹ کے پھوک میں مو جود پیک ٹین سے خو ن میں کو لیسٹرول کی سطح کم رہتی ہے، گویا اس طر ح قلب اور فالج کے حملے کا خطرہ بھی بہت کم ہو جا تا ہے ۔ لائکو پین اور لیمو نین جیسے اجزا جسم کو کئی طرح کے سرطان سے محفوظ رکھتے ہیں تو اس میں مو جو د حیاتین ج جسم میں مضر سالمو ں ، فری ریڈیکلز کے حملوںسے جسم کے خلیا ت کو محفوظ رکھتا ہے۔ کولیسٹرول کی سطح کم رہنے سے شر یا نیں کھلی اور صاف رہتی ہیں اور ان میں چربی کی تہ جمنے نہیں پاتی۔
