محترم حضرت حکیم صاحب السلام علیکم! میں عبقری کا تقریباً چار سال سے قاری ہوں‘ اس کے پڑھنے سے مجھے بہت سے فائدے ہوئے اور اللہ پاک کی مخلوق کو بے شمار فائدے ہورہے ہیں‘ میں عبقری کی ادویات ستر شفائیں‘ ٹھنڈی مراد‘ ہیپاٹائٹس شربت خود بھی استعمال کررہا ہوں اور دوست رشتہ داروں کو بھی استعمال کروا رہا ہوں۔ اللہ پاک سب کو شفاء دے رہا ہے۔ میرے پاس شوگر کا زخم ٹھیک کرنے کانسخہ ہے جو کہ ہماری نانی صاحبہ کا بتایا ہوا ہے‘ یہ نسخہ میں نے اپنے والدصاحب کو استعمال کروایا اور اب اپنے بڑے بھائی کو بھی استعمال کروایا‘ اللہ پاک نے انہیں شفاء دی۔ شوگر کے علاوہ کسی بھی قسم کازخم ہو انشاء اللہ ٹھیک ہوجائے گا۔ میں چاہتا ہوں یہ نسخہ عبقری کے ذریعے اور لوگوں تک بھی پہنچے تاکہ اللہ پاک کی مخلوق اس سے فائدہ اٹھائے۔ نسخہ حاضر خدمت ہے‘ ھوالشافی: رتن جوت ایک چھٹانک‘ سرسوں کاتیل آدھ پاؤ‘ تین سے چار عدد پیاز کاٹ کر‘ نیم کے تازہ پتے اندازاً دو سے ڈھائی سو عدد‘ سرسوں کے تیل میں اسے کھلی فضا میں پکائیں کیونکہ پکتے وقت اس سے عجیب سی بُو آئے گی پکاتے وقت تھوڑے تھوڑے وقفے سے اسے آگ سے اتار کر ڈنڈے سے کوٹتے رہیں پھر آگ پر پکائیں یہ پیسٹ کی شکل اختیار کرے گی اور اسے محفوظ کرلیں جب بھی زخم پر لگانی ہو نیم گرم کرکے روٹی کے ساتھ زخم پر لگائیں۔ انشاء اللہ چند بارلگانے سے زخم ٹھیک ہوجائے گا۔ نسخے کے اجزا میں آپ اپنے حساب سے کمی بیشی بھی کرسکتے ہیں۔ (واجد علی‘ لاہور)
