خواب: میں بے حد پریشان ہوں۔ عرصہ دراز سے میں بیماری اور تکلیف سے دو چار ہوں۔ میں اکثر خواب میں بھول بھلیوں میں گم ہو جاتی ہوں اور بچوں کو بھی اچھے خواب نظر نہیں آتے۔ خواب میں کوئی چیز میری ٹانگ کے ساتھ چمٹتی ہے، سارے گھر والے اس چیز کے اوپر ڈنڈے برساتے ہیں، اسے کچھ اثر نہیںہوتا۔ اب میری طبیعت بہت گڑبڑ رہتی ہے۔ مختلف عامل استخارہ کرکے بتلاتے ہیں کہ کوئی چیز آپ کے جسم میں اور خون میں شامل ہوگئی ہے۔ اس کو نکالنے کے لیے وظیفہ بتلائیں تاکہ میری جان اس مصیبت سے نجات پائے ہمارے مالی حالات میں بہتری نہیں ہے۔(میمونہ امتیاز‘ شکرگڑھ)
تعبیر:آپ کے خواب کے مطابق اس بات کا اشارہ ہے کہ آپ نے جو بھی وظائف پڑھے یا تو ادھورے پڑھے یا پھر بغیر اجازت کے پڑھ لیے۔ نیز ایک وظیفہ مکمل کئے بغیر دوسرا شروع کرنا بھی عمل کی ناکامی کا باعث بن جاتا ہے۔ تاہم آپ دوبارہ سے سات مرتبہ اذان اور سات مرتبہ سورئہ مومنون کی آخری چار آیات ایک ایک گھنٹے کے بعد روزانہ پڑھ کر دم کرتی رہیں۔ انشاء اللہ چالیس دن کے عمل کے بعد بہتری آنا شروع ہو جائے گی، تاہم یہ عمل 90دن تک کرنا ہوگا، ناغہ کے دن بعد میں شمار کرلیں، عمل شروع کرنے سے پہلے کچھ گوشت بطور صدقہ کے بلی یا چیل کوئوں کو کھلادیں۔ واللہ اعلم