محترم حضرت حکیم صاحب السلام علیکم! میں ماہنامہ عبقری گزشتہ پانچ سال سے مسلسل پڑھ رہی ہوں۔ اس شمارے سے ہم نے بہت کچھ پایا ہے اور پانے کے بعد اپنے تجربات و مشاہدات بھی بے شمار مرتبہ لکھے اور بارہا ماہنامہ عبقری میں میرے نام کے ساتھ چھپے بھی۔ جس کی بے انتہا خوشی ہوتی ہے کہ میرے چھوٹے سے تجربے کو لاکھوں نے آزمایا ہوگا اور مجھے بھی ثواب ملا ہوگا۔ گزشتہ سردیوں میں مجھے شدید زکام ہوگیا۔ مجھے سانس زور لگا کر لینا پڑرہا تھا۔ میں نے ایک مرتبہ ماہنامہ عبقری میں اللہ ھو کے مراقبہ کے بارے بہت مشاہدات پڑھے تھے۔ میں نے اللہ ھو کا مراقبہ کیا۔ یعنی اللہ کا نام لے کر سانس اندر کھینچنی ہے اور حسب برداشت سانس روک کر رکھنی ہے‘ ھو کا لفظ جب کہنا ہے تو زور سے سانس باہر نکالنی ہے۔ میں نے یہی عمل چند بار دہرایاتو میرا ناک بھی کھل گیا اور میری سانس بھی بحال ہوگئی اور طبیعت بالکل فریش ہوگئی۔اس کے علاوہ ماہنامہ عبقری میں آنے والا مراقبہ بھی ضرور کرتی ہوں ‘ الجھنوں‘ پریشانیوں سے نجات پاتی ہوں۔(ف، لاہور)
