حضرت ابوہریرہ ؓ سے روایت ہے کہ رسول اللہ ﷺ نے فرمایا: میرے صحابہؓ میں سے حضرت عثمان ؓاخلاق کے لحاظ سے مجھ سے بہت مشابہت رکھتے ہیں۔( ابن عساکر)
حضرت عمر رضی اللہ عنہ کی چھ سبق آموز نصیحتیں:(1) جو آدمی زیادہ ہنستا ہے،اُس کا رعب کم ہوجاتا ہے۔(2) جو مذاق زیادہ کرتا ہے، لوگ اسے ہلکا اور بے حیثیت سمجھتے ہیں۔(3)جو باتیں زیادہ کرتا ہے، اس کی لغزشیں زیادہ ہوجاتی ہیں۔(4)جس کی لغزشیں زیادہ ہو جاتی ہیں، اس کی حیا کم ہوجاتی ہے۔(5) جس کی حیاکم ہوجاتی ہے،اس کی پرہیزگاری کم ہوجاتی ہے۔ (6) جس کی پرہیزگاری کم ہوجاتی ہے،اس کا دل مُردہ ہوجاتا ہے۔(حیاۃ الصحابہ،جلد 3 ص 542 )
