محترم حضرت حکیم صاحب السلام علیکم! میں تقریباً چھ ماہ سے رسالہ عبقری کی قاریہ ہوں‘ بہت ہی شوق سے عبقری کے ہرنئے شمارہ کی منتظر رہتی ہوں۔ اللہ تعالیٰ کا شکر ہے اس میں ہر مسئلہ کا حل مل جاتا ہے۔ گھر میں ہم میاں بیوی اور بچوں کے درمیان انتہائی چپقلش تھی جس کی وجہ سے گھر کا ماحول عجیب سا تھا‘ ہروقت کی توتو میں میں نے زندگی بے سکون بنا دی تھی‘ میں نے ماہنامہ عبقری کے ایک شمارہ میں ایک وظیفہو
ڑھا‘ یہ وظیفہ ہر نماز کے بعدگیارہ دفعہ پڑھا۔ اللہ تعالیٰ کے فضل و کرم اور آپ کی خصوصی دعا کے طفیل گھر میں سکون آگیا ہے‘ لڑائی جھگڑے چپقلش ختم ہوگئی ہے‘ اس کے ساتھ میں اول و آخر سات مرتبہ درودشریف کے ساتھ یَاقَہَّارُ کی گیارہ تسبیح صبح وشام کرتی رہی ہوں۔ آپ کی وجہ سے اتنی مخلوق کو فیض حاصل ہورہا ہے‘ دعا ہے کہ مولا کریم عبقری کی روشنی کو قیامت تک روشن رکھے‘ لوگوں کی زندگیوں میں ہدایت کے چراغ جلتے رہیں۔ (ب۔ا، فیصل آباد)