محترم حضرت حکیم صاحب السلام علیکم! میں عبقری کی چھ یا سات ماہ سے قاری ہوں‘ عبقری ہر ماہ ہمارے گھر باقاعدگی سے آتا ہے۔ دو انمول خزانے اور عبقری لوگوں کو ہدیہ بھی کرتی ہوں اورعبقری کا اور آپ کا بتاتی ہوں۔ ہر جمعرات کو ہم سب بچے انٹرنیٹ پر آپ کا درس سنتے ہیں اور خوب فیض پاتے ہیں۔ ہم بہت سے مسائل کا شکار تھے‘ میرے شوہر‘ شوہر کی چھوٹی بہن‘ میں اور ہم بہنیں سب ڈیپریشن میں مبتلا تھے۔ ہمارا عبقری سے تعارف ایک بزرگ نے کروایا اور انہوں نے ہمیں ڈیپریشن سے نجات کیلئے ایک عمل بتایا۔ بعد نماز عشاء پانچ سو بار معوذتین شوہر پڑھے اور پانچ سومرتبہ فجر کے بعد میں پڑھوں اور یہ وظیفہ چالیس دن کرنا ہے۔ ہم دونوں نے یہ وظیفہ پندرہ دن ہی کیا تھا کہ میرے شوہر بالکل ٹھیک ہوگئے اور ان کی ڈیپریشن کی گولیاں چھوٹ گئیں۔ اللہ نے مجھے بھی صحت دی اور میں الحمدللہ امید سے ہوگئی۔ (اہلیہ محمداحمد‘ راولپنڈی)
