میں نے اپنے بیٹے کو ایک بہت اچھے سکول میں داخل کرایا ہے۔ اس کا سالانہ خرچہ ہزاروں میں ہے۔ مگر میرا بچہ پڑھائی میں دلچسپی نہیں لیتا۔ جس کی وجہ سے میں سخت پریشان ہوں۔ اس کی وجہ کیا ہے، گھر میں ہر قسم کی سہولت موجود ہےمگر بچہ خاموش خاموش رہتا ہے۔ (شگفتہ نذیر، لاہور)
مشورہ: آج کے دور میں ماں باپ بچے کو مہنگے سے مہنگے سکول میں داخل کراکے سوچتے ہیں کہ ہمارا فرض ادا ہوگیا ۔بچے پر بھرپور توجہ دیجئے۔ سکول سے آئے تو اس کے ساتھ کھانا کھائیے اور اس سے پوچھئے آج کا دن کیسے گزارا۔ بچے کو یہ احساس دلائیے۔ آپ اس کی ماں ہی نہیں بلکہ بہت اچھی ہمدرد دوست ہیں۔ رات کو سوتے وقت کم از کم ایک آیت یاد کرائیے۔ اسلام کے بارے میں بتائیے، آپ دیکھیں گی چند ہی ماہ میں بچہ پڑھائی میں بھی دلچسپی لے گا اور اپنے ہم عمر دوستوں میں گھلے ملے گا۔
