اب تک آنے والی میری جتنی بھی تالیفات ہیں ان کے حوالہ جات حقیقت‘ سببِ تالیف یہ سب قارئین تک پہنچانے کی ایک کوشش ہے میں ہر کتاب کا حوالہ دوں گا کہ کتاب کن حوالہ جات سے مل کر ایک کتاب بنی ہے۔
کتاب نمبر5:جنسی زندگی‘ اسلام اور جدید سائنس: جنسی زندگی ‘ اسلام اور جدید سائنس کتاب میں مختلف تجربہ کار اور بیرون ملک زندگی گزار کر آنے والوں کے انٹرویو کیے اور کتاب اسلام کا نظریہ جنس اصلاحی سے مستقل حوالے لیے اور مختلف رسائل‘جرائد سے مزید حوالے لیے اور جیتی جاگتی زندگی کے حوالہ جات بھی اس میں شامل کیے۔ کتاب دراصل محتاط انداز میں پڑھنے کی ضرورت ہے کیونکہ اس میں بعض حوالہ جات ایسے بھی ہیں جس میں گہرائی میں جاکر سوچنے سے ہی وہ سمجھ آئیں گے بظاہر شاید کم ہی سمجھ آئیں یا پڑھنے والا اس کا مفہوم کچھ اور لے۔ کتاب میں اسلام کی جنسی زندگی اور اسلام کا نظریہ جنس بہت واضح انداز میں پیش کیا۔ ساتھ تقابل میں ہندی طب کے کوک شاسترو کا حوالہ اس لیے دیا ہے تاکہ پڑھنے والا اسلام کے پاکیزہ جنسی نظام اور ہندی کوک شاسترو کا موازنہ کرسکے کہ اسلام میں کتنی پاکیزگی ہے۔ مزید سائنسی کتابوں اوردینی کتابوں کے بھی حوالے پیش کیے ہیں۔ بس دراصل یہ کتاب ان لوگوں کیلئے جو پاکیزہ دینی زندگی اور جنسی زندگی کے متلاشی ہوں یاپھر ان لوگوں کیلئے جو کوک شاسترو کی زندگی سے نکل کر اصلاحی زندگی کی طرف آنا چاہتے ہیں۔ بہترین رہبر اور گائیڈ بک ہے۔ بس احتیاط سے اس کتاب کو پڑھا جائے ویسے بھی یہ کتاب ہر شخص کے پڑھنے کیلئے نہیں ہے۔ ایسے لوگ جو سلجھے ہوئے ذہن اور پختہ نظریے کے ہوں وہ ضرور پڑھیں نوجوان نسلوں کیلئے میں نے اور کتابیں لکھی ہیں یہ کتاب نوجوان نسلوں کیلئے نہیں بلکہ پختہ کار لوگوں کیلئے جو دیئے گئے کتاب میں حوالہ جات کو منفی انداز میں نہ لیں بلکہ مثبت انداز میں لیں۔ مزید کوئی کمی بیشی اگر میری کتابوں میں ہے تو مجھے اطلاع کریں میں اپنی اصلاح کیلئے ہرپل کوشاں ہوں۔
