محترم حضرت حکیم صاحب السلام علیکم! اپنے پیارے ماہنامہ عبقری کیلئے ایک آزمودہ ٹوٹکہ لے کر حاضر ہوا ہوں۔ گرمی کے موسم میں اکثر لوگوں کو نکسیر کا مرض لاحق ہوجاتا ہے اور ہر دوسرے یا تیسرے دن نکسیر پھوٹ جاتی ہے اور خون کی شدید کمی لاحق ہوجاتی ہے۔ اس مرض سے چھٹکارا پانے کیلئے میرے پاس ایک انتہائی سادہ مگر تیربہدف ٹوٹکہ ہے۔ جب بھی نکسیر پھوٹے چکنی مٹی کا بڑا سا ڈھیلا لے آئیں اس کے قریب مریض کو بٹھادیں۔ اب اس مٹی کے ڈھیر پر تھوڑا ساپانی ڈالیں اس میں سے جو خوشبو نکلے گی وہ مطلوبہ شخص کو سنگھائیں‘ ان شاء اللہ بہت جلد نکسیر بند ہوجائے گی۔ عبقری ٹوٹکہ سیکشن:قارئین! بعض اوقات لاعلاج بیماریوں میں جہاں بڑی بڑی ادویات اور مہنگے علاج ناکام ہوجاتے ہیں وہاں چھوٹے چھوٹے ٹوٹکے کارگر ثابت ہوتے ہیں جنہیں بظاہر کوئی اہمیت نہیں دی جاتی تو قارئین آپ مستقل بڑے بوڑھوں کے وہ ٹوٹکے سنے یا آزمائے ہوئے ضرور لکھیں‘ عبقری نے ایک ٹوٹکہ سیکشن قائم کیا ہے تاکہ مخلوق کی خدمت ہو اور انسانیت کو نفع پہنچے۔نوٹ: ایسے ٹوٹکے بھیجیں جن میں ادویات کا استعمال نہ ہو اور کہیں ایسا نہ ہو کہ ٹوٹکوں والی کتاب اٹھا کر سارے ٹوٹکے لکھ کر بھیجیں ایسا ہرگز نہ کریں۔ صرف آزمودہ اور سینے کا راز ٹوٹکے ہی بھیجیں۔
