محترم حکیم صاحب السلام علیکم! آپ کا رسالہ عبقری بہت ہی زبردست ہے۔ میرے ساتھ مسئلہ یہ تھا کہ مجھے نیند بہت زیادہ آتی تھی‘ سارا سارا دن اور رات سو کر گزارتا پھر بھی میری نیند پوری نہ ہوتی تھی۔ بہت سے ڈاکٹروں سے ادویات لیں لیکن جب تک دوائی کھاتا تب تک ٹھیک رہتا لیکن جیسے دوائی چھوڑی مرض پھر ویسے کا ویسے ہی رہتا۔ عبقری رسالہ میں میں نے ایک دفعہ علامہ لاہوتی صاحب کے مضمون ’’جنات کا پیدائشی دوست‘‘ سے یَاقَہَّارُ کا پڑھا پھر میں نے یَاقَہَّارُ کھلا پڑھنا شروع کردیا۔ محترم حکیم صاحب اس میں بہت برکت ہے۔ اس کی برکت سے میری نیند میں بہت کمی واقع ہوئی ہے وگرنہ میں تو اس بیماری سے دنیا سے کٹ کر ہی رہ گیا تھا۔(محمد انورکمال‘ وزیرآباد)
