کچھ دن پہلے ہی مجھے دیمک کا علاج ملا بلکہ یوں سمجھیے کہ میں دیمک کے پیچھے لگی ہوئی تھی تاکہ محترم حکیم صاحب کا حکم پورا کرسکوں۔ دیمک دیوار کو لگے یا انسان کو دونوں کو کھوکھلا کردیتی ہے۔ روحانی دیمک یا جسمانی دیمک۔ اللہ کے حکم سے محترم حکیم صاحب روحانی اور جسمانی دیمک کا علاج تو کررہے ہیں البتہ دوسری دیمک کا علاج میں انہیں بتادیتی ہوں۔یہ علاج عرب سے ملا ہے‘ آپ کسی بھی قصائی سے اونٹ کی کوئی ہڈی لیکر اسے اپنے گھر کے کچے حصے میں دبادیں اور ساتھ ہی گندھک اور اجوائن کی دھونی دیں‘ انشاء اللہ تعالیٰ آپ تو کیا آپ کے ہمسائیوں کے گھر سے بھی دیمک چلی جائے گی۔ لاہور میں دو‘ تین گھروں نے ایسا ہی کیا اب اللہ کے شکر سے ان کے گھروں سے دیمک ختم ہوگئی ہے۔
